رد على: ولازم بعد تاخذ حياتك غلابا**ان لم تكن ذئبا كلتك الذيابه

[مروان الشيخ]

تمر بالانسان حالات من التعب والارهاق النفسي

فيبحث عن من يشكي له الهموم ليرتاح

وقد اشتكى لي

فصغت ما اشتكى منه شعرا

:
:
http://www.filehigh.com/serve/19874/287065.jpg
:
:



لا زلت متأثر من اللي اصابه=ابكي على حاله وانعي شبابه
عزي لمن سود الليالي غدتبه=زي العماني يوم جونو غدابه
الحظ متعثر ولا قد تبسم=ولا هو على مر الليالي هنا به
من يوم ما ضاقت بداها مكافح=وابطى على طول المكافح جوابه
كلن تخلى عنه حتى القرايب=لا احد(ن) سأل مره ولا أحد(ن) درا به
واذكر انا مره شكالي همومه=والصدق خفت انه بيفقد صوابه
الدمع في عينه ويا هي كبيره=رجال ودموعه همايل سحابه
لا هو بمستضعف ولا هو بقاصر=لاشك رجال(ن) وكلن يهابه
لكنها الدنيا وكلن نصيبه=وهو من ردا حظه نصيبه عذابه
المشكله ما كل من فاز محسن=ولا كل من اخطا يلاقي عقابه
ولو انه اخطى يوم ياويل ويله=ما كن بشر قبله وبعده خطا به
ويا كم تعب واتقن في امر(ن) يجيده=وياجي احد غيره وياخذ ثوابه
واللي كسر مجداف كل الاماني=لا صار في دنيا لها شرع غابه
ياللي شكيت الحال اصبر وصابر=ثم استعن بالله واقرى كتابه
ولازم بعد تاخذ حياتك غلابا=ان لم تكن ذئبا كلتك الذيابه
اقفا وانا لازلت مما اصابه=متأثر(ن) واكتب قصيدة عذابه