واثر الصغيّر وراي وماسك(ن)دربي

[ابو أنس]

مد اليدين وفزعت وقمت له طربي=واصابني روعه وفرحه وخفخافي

مدري حقيقه او انه حلم يغدر بي=او هو سبيل الأماني يِِحْكِم ا تلافي

شفت الخطاوي ولو قَصرت تعثر بي=امشي قبالي وكني أرجع خلافي

والراس يرسم خيالاته ويمكر بي=وانا احسب اني انا المقصود ياكافي

واثر الصغيّر وراي وماسك(ن)دربي=يمشي تعثّر به الخطوات متعافي

يازين حظه وانا اللي الحظ شوّر بي(1)=او ان قلبي خفيف وصابه ارجافي

ياطلعة النور يانسمة هوا الغربي=يابسمة الصبح يا غزيّل بالاريافي

ليتك بحالي رحمت وصرت بي ذربي=وما ملت عني بفعلك زور واجحافي

وليتك حضنت اللذي شوقه لكم يربي=طربان يركض ولو سج الرجل حافي

يركض وقلبه هتف يازادي وشربي=يا اسما خيال(ن) أخذ بالعقل وشغافي

يوم انحرفت انحرف قلبي وهو خربي=ياشيب عيني انا ياحظّي الطافي

(1) شوّر بي ...أكلني مقلب