دمعي حقيقي ..لحنان آل فاضل بصوت روض الغلااا

[حمد العيد]

http://www.hamed-aleed.com/h-alfathel.mp3
يسألونـي وينهـا بسمـة شفاتـي=قلت ماتت ما بقـى غيـر الشفـاه
..
دمعتين ٍ فوق خـدي مـن شقاتي=دربهـا محفـور بطعـون ٍ حفاه
..
صوتي المخنوق في آخـر لهاتي=ضامـي ٍ ريقـه يعذبنـي ضماه
..
ياعرب وان كان تسترنـي عباتـي=من لقى للجرح في صـدري عبـاه
..
ناس ٍ تسمـي عليـه فـي ثباتي=وناس ٍ تمـد النصيحـه بالحصاه
..
صكوا أبواب الأمل سـدوا جهاتي=ضيعوا باقيّ.. فـي وجـه الحيـاه
..
ما دروا إني لحالـي فـي خلاتي=اسجد ودمعي حقيقي فـي الصـلاه
..
كيف لو يدرون عن باقـي حياتي=والله إن يقـوم للفـزعـه جباه
..
والصبر في حد ذاتـه هُـوْ ذاتي=تفـرج الكربـه وتلحقهـا النجـاه
..
وان فضح دمعي كثير ٍمن صفاتي=قلت مدري.. آه يا ضيـم الخزاه
..
إيه بكذب لجل ما أفقدهـا رحاتي=يـوم كـل ٍ بالغنـى ضيـع رحاه
..
الوفا والطيـب والرفعـه سماتي=وعيبي أني ما استمع لأهل الو شاه
..
ومن شرق بالصوت يوم أدرك وفاتي=قلت له مسموح مـن بيـن الرفاه


للتـحـمـيل (http://www.hamed-aleed.com/h-alfathel.mp3)

روض الغلااا