قصائد عامة منقوله

[الطائر المهاجر]

صدقتها والقلب مجبـور يصـدق=
ماهو بكيفـي مجبرتنـي مناتـي
العذر واهي ولاني منه امتحقـق=
تقطع بي ايـام ٍ واشهـر وتاتـي
واليا ارجعت من فرحتي اتشقـق=
واقول مافي قلبها احـد سواتـي
العب على نفسي وانا عارف الحق=
ابلا وضو ماتحتسب لي صلاتـي
ادري بقلبه قاسي ٍ مـا بعـد رق=
لكن عسى الايـام تجبـر بذاتـي
وادري بقلبه غادي ٍ كنـه شقـق=
يسكن بها من كتب له بالرداتـي
ولاظنه مطـول ولا بـد يفهـق=
لكن قبـل يرحـل لبـده يحاتـي
يصب له بالكاس حنظل ٍ مدقـق=
ويذوق مر وضيم ولا به مباتـي
والضغط والسكر نصيبه محقـق=
وشوي زفرات وونيـن واهاتـي
واليا سلم مـن بعدهـا مايفـرق=
مابين قولة مـا ابيـك وحياتـي
لكن ابواجـه ظروفـي واعلـق=
يمكن اسوي شي يقـوي ثباتـي
والكون له رب ٍ مكون ويـرزق=
ومـادام بيدينـه بربـي رجاتـي
شربت لي من كاس ٍ اصفر معتق=
حتى يصير الفكر غادي بشتاتـي
جيته معصب والنظر مني يحرق=
ناوي اسوي شي اقشـر وعاتـي
ويوم التفت سلهم برمش ٍ يوهـق=
وقال انتبه بعتبـره امـر وفاتـي
التوبه التوبه وبريقي انا اشـرق=
ماعودها لو كـان فيهـا مماتـي

للشاعر

غريب الدار

بواسطة الامورة