حميدان الشويعر

[الطائر المهاجر]

يا ذا .. افهم مني .. جواب يشترى=مثل ( اللوالو ) . من عقود تنثرا
والا فـشمس مستنيره .. في الضحى=أنبيك حال الناس .. يا هذا .. ترى
من جاد سمته جاد في هذا .. و ذا ..=و المرجلة .. ما هيب ورث تحجرا
تسلسلوا من ( نوح ) .. جد واحد=حر ،.. و عبد ،.. و الردي البيسرا
تلقى الجماعة .. من شجرة وحدة=و طبوعهم .. مختلفة .. الله قدرا
يطلع بهم .. خطو الكذوب المارج=غوج ،.. و لو جود عنانه يطمرا
ومن الجماعة : شايخ .. متشيخ=و كل النوايب يتقي عنها .. ورا
إلى مشى بالسوق .. إلا ملوذع=عن خاطر .. يقضب قطابه ما درى
و من الجماعة حامل .. متحمل=ما فات يوم .. ما لضيف .. ما قرى
كل من لفى من ضيف .. دور بيته=و هو سواة العد .. يرد ،.. و يذكرا
ومنهم .. سواة الديك .. رزة عنقه=ما زان له زول .. بفعل يخبرا
ومن الجماعة كالضبيب المنتفخ=متبختر .. يسحب ثويبه من ورا
كن الضعيف .. شايل .. سبع الطبق=هو ما درى انه .. خف الريش الحمرٌا