راكان بن حثلين

[الطائر المهاجر]

معركة عروى

قيلت هذه القصيدة بمناسبة معركة عروى بين محمد العبدلله الرشيد أمير حايل سابقا وقبيلة عتيبة بفرعيها برقا وروق ، و معروف أن محمد العبدلله الرشيد لم يخسر معركة واحدة في حياته , فقال هذه القصيدة بمناسبة المعركة المذكورة ، وكان وفد من قبيلة العجمان حاضرين المعركة وهم ليل الملتقم شيخ فخذ ال هادي من العجمان وحزام وفاران ، يقول حمود العبيد الرشيد :


يا ليل سلم لي على الشيخ راكان=سلم على زيزوم يامن وميره

وقل فعلنا شافه حزام وفاران=يوم على عروى تقطع غثيرة

يوم ان ابن هندي نوانا ابرزان=حنا على عروى قصرنا مسيرة

واللي تمنى حربنا مع غازالان=ما حربنا باللي تمناه خيره

والحرب ما يحسب طراد بميدان=الحرب سل الصيرمي من جفيرة

هرج بلا فعل خراط بقيعان=وقول بلا فعل علينا معيرة

عاداتنا من مبطيا فرق الأقران=نفرق عشير من ملامى عشيرة

واللي تمنى حربنا يم برزان=ناتيه نقصر عنوتة عن مسيرة

وان كان هو من غارة العام زعلان=من الزعل والغيظ حنا نجيرة

برقطا لها مع فجة الصبح دندان=نتبع ملازيمه عقاب المغيرة

حصان الصميد اللي يسمى صنيتان=هرجه بلا فعل قليل البصيرة

أغواه عرضات الشيابين وفلان=وتجديعهم لهدومهم بالسعيرة

وعندما وصلت القصيدة إلى الأمير / راكان رد علية قائلا :


علم لفاني به حزامٍ وفاران=يا سر قلبي يوم جاني بشيره

ومن حد نجران إلى قصر برزان=ما هوب أنا يا الضيغمي أنت أميره

سعدٍ لخوك مساعده سر واعلان=ودبوس راس لا دوابه مشيره

وان قلت جيران فلا حن بجيران=في جيرة اللي ما يذير جويره

جويرنا خيلٍ تنازى بصبيان=كل أبلجٍ ينظر بظلة عشيره

ومن زان حنا له على الزين خلان=وضر إلى حرك تزايد سعيره

والاحسان يا بن عبيد يجزى بالاحسان=والشر نعبي له وجيهٍ شريره

ولولا (حسن) نوخ بذربين الايمان *راحت عليكم يا بو ماجد كسيره

أولاد علي مطوعة كل فسقان=وعاداتهم نطح الوجيه الظهيره

وما قل دل وزبدة الهرج نيشان=والهرج يكفي صامله عن كثيره

* يقصد الشيخ حسن بن مهنا أبا الخيل أمير بريده ..

سمع راكان شخصا من جماعته يتغزل ويقول :


اليوم ماشفنا من الحي مخلوق =ماشفت من كنه ظبي البياجي
يامن شعب قلبي الى اقبل مع السوق =عليه من دل الهوى والمزاحي
السحر بعيونه الى جلجلن فوق =ومبيسم فيه الشراب القراحي

فقال راكان :


يابو معارف هضتني وانت مطفوق =قزيت عن عيني لذيذ المراحي
ان كان هو همك من الناس مخلوق =ماهمني لو كان زينه فضاحي
الهم والله لابه سندوا فوق =دونك منازلهم عفتها الرياحي
يازينهم لااستجنبوا كل صعفوق=يتلون براق ورا الصلب لاحي
لاصاح صياح ورا طارف النوق =نركب على حيل جذبها الصياحي
الى لحقنا لاول الخيل مفهوق =ياطن شخانيب الوعر والسماحي
تطعن لعين اللي زها عنقها الطوق =كم خير بين الحفيفين طاحي
منهن تقلد خافق الريش وسبوق =كاسن نواحيها سبوق الجناحي
تلقا الحمر في مقدم العود مرشوق =كاسن مقاديم الغلب والنواحي