سليمان الهويدي

[الطائر المهاجر]

http://www.sadanajd.com/poem-3683.rm

الزين بينة رسوم يا علي =وأن القمر غير النجوم اللي معه
والخيل اعرف اصيلها من تقبلي= واعرف عفري الظبا من مدمعه
والبيض شاسع فرقهن ولا تسألي=الزين يوهبه الكريم ويمنعه
الزين حلو دايم دله حلي =اللذ من طش السحاب ابمنقعه
والشين شين الله يعين المبتلي= أن قابلك تفرح متى الله يقلعه
وجدي على نجل العيون الاكحلي=النفس به مجبورة ومولعه
راعي ثمان مرهفات ذبلي =بيض تلالا حدر طرقة برقعه
غضن من الجنس اللطيف مكملي=الله واكبر يا جماله ما اروعه
زينة بلا مكياج وبليا حلي =زينه طبيعي ولا يستصنعه
احلى من العفري تهايا واجملي=النور بطخمته وسلبه مفرعه
وأن هج مع صيد الخلا ما يجلفي=مهو بعيد أن الجوازي تتبعه
والله ماعنك خفية يا علي = من يوم كلمته وانا قلبي معه