خذت مني الليالي ماتريده (اغنيه والقاء)

[الطائر المهاجر]

غناء الفنان المبدع فهد
http://up.ftahilah.com/up/uploads/mysongs/5thatFD.rm

بصوتي
http://up.ftahilah.com/up/uploads/Mine/5thtallyaly.rm
خذت مني الليالي ما تريده = عطتني الشيب وهمومٍ توالا
على قلبٍ يحس بها وقيده = ابي تطفى وزادت اشتعالا
قديم الهم يفزع مع جديده= وانا وحدي ولا لي إحتمالا
تناوشني بطعناتٍ سديده = تزيد الحال سقمٍ واعتلالا
حرقت النفس مرّاتٍ عديده = وهملت اللي تبي لاجل العيالا
قصرت الرجل ما تبعد بعيده= وعقلت الساق عن كل ارتحالا
بعد ماكنت طيرٍ من يصيده = احلق في الفضاء شرق وشمالا
ابيهم كلهم شهم ووليده = ابيهم من حلاحيل الرجالا
أبي كلٍ يفكّر في عضيده = ويشيل حمول لو ماهي ثقالا
بوقتٍ صعب واحوالٍ شديده= بلا من يسنَدك مالك مجالا
بدل ما كل واحد في بديده= بنفسه بسّ ولغيره محالا
لك الله يازمن هذا رصيده= تغيّر في الطبوع بكل حالا
شبابٍ جاي بسلومٍ جديده = وسلم اللي سبقهم بالزوالا
شبابٍ ما عرف عينٍ سهيده= يعيش بلا همومٍ كالجهالا
على الشيبان مركاته حديده= يمرّ العمر عاله واتكالا
مريح النفس واحواله سعيده= رجل ما له عيال ولا حلالا
اذا كثروا ربط نفسه بقيده= بضرايب هم في ثقل الجبالا