لا نويتي ترحلي لاتودعين (بالصوت)

[الخنساء]

http://www.fatahilah.com/up/l2nwaitytur7ly.mp3

لا نويتي ترحلي لا تودّعين = لحظة التوديع اقسى مايكون
اتركيني في عذابي والأنين = ما احتمل دمع تحجّر بالعيون
واذكريني واذكري قلبي الحزين= كيف لاجل الحب بعهوده يصون
ما بغى غيرك ولا لغيرك يلين = ولا عرف في الحب غيرك يالفتون
كنتي احلامي على مر السنين = كنتي آلآمال والقلب الحنون
كيف وضعي بعد عني ترحلين = كيف اواجه من بحبك يعذلون
ويش اسوي لابدا قلبي الحنين = يختلج في داخله مثل الأتون
لا تخليني ترى جرحي دفين = يكفي إن الوقت خيّب للظنون
طعنتين بوقت واحد عن يقين = تنهي لْقلبٍ شكى كثر الطعون
حبك اللي انكتب لي بالجبين = كيف ابهرب عنه قولي لي شلون
اكرهيني كود عني تدلهين = يمكن انسى طيبتك وامرك يهون
دامنا بحكم الزمن متفرّقين= ولا امل نرجيه من قبل المنون
سهل الله كل دربٍ تسلكين = وعان قلبي لو يعاني في سكون

صح لسانك ولاهنت
ابيات رائعة وبوح صادق
سلمت ودمت بخير