الا يا عين قرّي وارجهنّي

[الخنساء]

http://www.fatahilah.com/up/alaYa3eenGurry.mp3

الا يا عين قرّي وارجهنّي = ونامي الليل باحلام سعيده
وصلي شكر لله وتهنّي = فشكر الله من واجب عبيده
حبيبك ردّ من بعد التعنّي= بعدما عشتي ايّامٍ شديده
هلا به عدّ ما عيوني جزنّي= وطار النوم بجفونٍ سهيده
هلا به عدّ ما طيفه فتنّي= سجدت السهو مراتٍ عديده
اهوجس به وكنّه ضاع منّي= ونا ادري سفرته ماهي بعيده
وافكّر كيف بالحبّ امتحنّي = ونا اللي في العشق نفسي زهيده
احسب إنه إذا ماغاب عنّي= ابسلى عنه لين الله يعيده
وثاري الحب جنّي ولد جنّي= تسلل داخل الروح العنيده
لقيته نايمٍ فيها متثنّي= زرع بالدم جيناتٍ جديده
يقول لي الطبيب "إن صح ظني"= ترى حالتك في الدنيا فريده
تجي بالعمر مرّه ما تثنّي= إذا قلبين تحكمها العقيده
بحب الخير ما تعرف تجنّي= تراعي الله تخشى من وعيده
بلا كذبٍ على غيره تغنّي= بخبث القول لاجل إنّه تصيده
فكم من قلب عمره ما ارجهنّي= يعيش الغيّ واحواله نكيده
بلا ايمان مافيه متهنّي = ولا به حبّ او نفسٍ سعيده
الا يا عين جاء لك من تمنّي = فهلّي به وعلّي من رصيده

صح لسانك ولاهنت

ابيات رائعة

ترجمت جميل المشاعر

سلمت ودمت بخير