الناس قدام وحنا وقتنا قد فات

[الطائر المهاجر]

http://up.ftahilah.com/up/uploads/Mine/AnnasGddam.rm

الناس قدام وحنا وقتنا قد فــــات = نعيش عصر مضى والعلم قد فاتـه
ما ندري إللي حصل بالكون من لفات = نقول كنا ولا نقوى مجاراتــــه
نهوى السفر نبغي الراحة مع اللـذات = باريس ، لندن مع امريكا وولاياته
نصرف بلا حدود في جية وفي روحات = والبعض منا تحكمه بعض شهواته
ونهلي بهم بارضنا نعطيهم الخيــرات = نخشى حديهم يهاجم في كتاباتــــه
لونا نسينا فكل الغرب له ثارات = والحقد باقي بدمه وبشهاداتــــه
لو هو تلون فحقده ما يبي إثبـــات = كل المحطات تكشف عن قناعاتــه
ولو نطلب الحق قالوا زمرة وجنــات = ولونا خضعنا وحاولنا مداراتـــه
يبون إذلال للإسلام يا ســـــادات = يبون تنكيل بالإسلام ودعاتــــه
إنجيل ظاهر وحكم الوقت للتــوراة = صهيون يكسب بأ مواله ولعباتــه
إستخدم العقل وحنا العقل في مكشات = واستخدم المكر حتى وصل غاياته
وانهار تاريخ ، مجد كان له وقفــات = نستجدي الخصم كوده يرحم رفاته
قوموا نصلي على من غاب ولا مـات = فكرٍ فقدناه نحيا في متاهاتــــه