العطور

[نجم الإبداع]

يارسولي خذالمكتوب واخذ العطور = من جنى الود والمعروف في كل جال
للذي بالحشاء له عملةٍ ماتبور = من ذهب معدنه صافي جميل الخصال
ورد خده حشا ماله شبه بالزهور = مبسمه فوق خلق الله طاغي الجمال
قله اني ببعده ماعرفت السرور = شارد الذهن حول جنوبها والشمال
بين ذكرى وبين افكار تكوي الصدور= طال هجرك وانا بك مبتلى بالكمال
انتي الملهمه للشعر بين السطور = انتي الحسن والباقين فيهم عدال
ياسنا الروح ياخلطه من انقى بخور = عقب نسمة عبيرك كل ريحه همال
خاطري ماسلى لو عشت بين القصور = مايطفي لهيب الروح غير الوصال
ارحم المبتلى من مارج اعيون حور = واحفر القبر لو ماصار منك إتصال