مختارات طلال السعيد

[الطائر المهاجر]

ياصغيّر
http://www.movn.net/6allal_alrsheed/ya_9qyr.ram


يـا صغيّـر مـا يكبرنـا لقـب=وما يصغرنا إليا أنكرنا صغيـر
ما خذينا الصيت من جمع الذهب=ولا نسابة شيـخ او قربةوزيـر
كاسبينه من هل السيـف الحـدب=الجنايز كان مـا جـاك النذيـر
صيتهم نجم ٍ على رأسـه لهـب=سمعوا الصقهان به واجهر ضرير
بالوفا تاريـخ أبيـض ينتصـب=لا حكوا بالحق حييـن الضميـر
ضيغميـن للسناعيـس انتسـب=لابةٍ طلنـا بهـا عـرش كبيـر
عند حدك يا كثير الهـرج تـب=لا تمر النـار وثيابـك حريـر
كـان لـك عـز بذلـي فتعقـب=والله ألا تبطي وحبلـك قصيـر
احسبنك مـن صناديـد العـرب=واثر ساترتك عباتك يـا غريـر
ما حسب للسوس زراع القصـب=والقراده ما درى عنهـا البعيـر
ولو حسبنـا للحسايـف والتعـب=ما بذرنا يا العصافيـر الشعيـر
عن هللـك ابـراي لله واحتسـب=الرجال اللـي مجارهـم عسيـر
من قريش المصطفى وابو لهـب=والدغالب ما غشت عذب الغديـر
للرجال مـن الرجاجيـل العتـب=والزكاة تحل فـي حـال الفقيـر
لعنبـو وقـتٍ غدينابـه حطـب=تحرقـه نـار يثورهـا اجـيـر
ما ألومك الزمن سوى العجـب=هو بقى غير الكرامـه بالجفيـر
مـا أذل وراسـي يشـم المهـب=لو بقى من شمـر طفـلٍ غريـر
ما اهاب ولا يزلزلنـي غضـب=الشجاعـه ورث والعاقـل غزيـر
يا صغيـر مـا يكبّـر باللقلـب=غير من هو كان من دونه صغير