عديم المشاعر

[محمد بن عمار]

السلاااام عليكم ياكرااام ...
ولاشك عيبي ، مهما سوّى بي أحبّه = من أخمص قدم رجله إلى هامة الراسي
مصافحة الغيااااب المفاجيء ...عديم المشاعر


عديم المشاعر هالزمن كيف نوثق به = حرام الثقة في مثل شرواه ياناسي
تناسى عهودي والوفاء صار يلعب به = ونسى إني بشر، كليّ مشاعر وإحساسي
تغاضيت عن صده وهجره بلا سبِّه = وتجرّعت لأجله علقم الصبربالكاسي
رماني هواه ، بوسط بحر ٍ بلا غـبّه = ظلام ٍ بلجّـة ، ماتبيّن ، له إغلاسي
دقاق ٍ قوامه يشبه الغصن في هبِّه = تهزّع متى ما ، مال به ريح نسناسي
ومجدول شعر ٍ ينتثر ، كلما ذبّه = على أردافه اللي كنها روس الأطعاسي
وغضيض الثمردون النحر وأسفل اللبِّه = تفافيح شام ِ طابت لقطف غرّاسي
عليه الله أكبر كيف ماخاف من ربه = وعالج طريح ٍ من سواياه محتاسي
اذا صار جرحه ، في الحشا مانفع طبِِِِِِِّه = قطعت الرجاء وأعلنت من حالتي ياسي
ولاشك عيبي ، مهما سوّى بي أحبّه = من أخمص قدم رجله إلى هامة الراسي

مودتي لتواصلكم المتألق
محمد بن عمار