لحظه دقيقه !!

[سااامر]

السلام عليكم ورحمة الله وبركاااااااته

تنويه : ابيات غزل



لحظه دقيقه بكتبك لجل نقراك=والا ترى لوبحفظك ماقريتك

تدرين انا عاشق وهايم حلاياك=وتدرين لولا طيبتك مابغيتك

حبك بقلبي لوجمعته على هاك=يعني على ذاك الجبل ماسويتك

يمكن تصدقني لجل ماتحداك=لان التحدي في نظرك احتويتك

وتدرين وش علق بقلبي مزاياك=كل ماتوطاني الغرام اشتكيتك

القاك لو اني بها اوقات ملقاك=واشتاق عن كل السوالف كليتك

معسولك الصافي من اعذب شفاياك=اللي يشربني العسل لرتويتك

تظن في بالك انا بقدر انساك=من عقلك انسى روحي اللي هديتك

انا ترى ظلك وحلمك وممساك=وانــا تـــرى ضـحـكـك وحـزنــك وميتك

وانا ترى غرفة منامك وشباك=حتى زوايا غرفتك وسط بيتك

وانا الخيال اللي يداعب محياك=ماشفتني كل ماطلبتي عطيتك

يعني كذا كلك على بعضك اهواك=من وين ماطالع عيوني لقيتك

قولي انا مجنون مجنون لخطاك=بسبابك الجن احتوتني وجيتك

اسهر بليلي شارد الفكر لرضاك=وانتي ولاكلمه وحتى فديتك

صار التدلع ياغنج دوم يزهاك=من قبل ماكان التواضع تكتك

ليكون بس غيري نزل في حناياك=والقلب ينبض ياهواي اكتفيتك

والله ماندري على وين وداك=هذا الزمان اللي غدابه وصيتك

ماقول غير الله يعدي سواياك=ويكتب لنا في كل خطوه رجيتك

ويستر عليك ويحفظك وين ملفاك=ايام في ذاك المكان التقيتك

ويخيب ضنونن بعد طول اجفاك=وتفيدني بعذار صدك وليتك