مشعان بن هذال

[الطائر المهاجر]

وفي احد الايام خطب والد مشعان فتاة لابنه الشاب فزوجه بها ولكن بعد مدة ذهبت لاهلها الفدعان وتأخرت عند أهلها فتذكرها في احدى الليالي عندما كان جالسا عند القهوة ومجتمع مع قومه فقال هذه القصيدة :



يـا مـوقديـن النار جوكم مساييــــر=ولـه ٍ عـلـى ضـيانكم توقدونــــــــه
الله يـطـيب فالكـم يـا مناعـيـــــــــــر=بـسـلام احـلا مـن روايح مزونـــــه
حطوا حطب حطوا على النار تكسيـر=الا سمي الترف لاتجدعونـــــــــــــه
وان كان سلتوا يارجال المخاسيــــر=عن حالتي فالحال مني ترونــــــــــه
اهجل كما تهجل خلوج ٍ على ضيـــر=والا كما واللي وهقنه ظنونـــــــــــه
أبـو ثـمان ٍ واضحات ٍ مغاتيــــــــــر=غـروٍ يـغـذي بـالشمطـري قرونـــــه
ماوقفت بالسوق سواة العاطاطيـــــر=ولا لمحت للي رضى بالمهونـــــــــه
مركوبها اشقح لا مشن المظاهيـــــر=تتلي قطيع مغتر مثل لونـــــــــــــــه
ماكولها تمرة شثاثا الى الديـــــــــــر=وشربه حليب مبرد في صحونـــــــه
ما وقفت تمشي بسوق الحواضيــــر=لبسه طربزون تخثع ردونـــــــــــــه
بـيـني وبينه فـرقتنا المقاديـــــــــــر=وكـم واحـد ٍ بـيديه يطرف عيونـــــه
وجدي عليهم وجـد من طاح بالبيــر=خـم الـرشا وحال ازرق الجم دونـــه
أو وجـد مـن صكوا عليه المشاهيــر=أزروا هـل الـعـادات لا يـظهرونـــــه
أو وجد راعي هجمـة ٍ بـه خواويـــر=حـال الـرمك ومسطر الغوش دونـــه
أمس الضحى عندي بوسط المقاصير=والـيـوم عنـي مبعـدات ٍ ظعونــــــه
على اشقح ٍ خلف السلف والمظاهير=يـتلـي قطيـع ٍ مغتـر ٍ مثل لونــــــــه
علمي ورد يم الشميلي وأبا القيــــــر=أقفى مع الفدعان تطرخ ظعونــــــــه
يالله يا منشي السحاب المزابيـــــــــر=يسر لعبد كاثـــــــرات شطونـــــــــه