الحــر يقنــع بـأول الخيــر واتــلاه

[طلال العازمي]

السلام عليكم ورحمة الله وبركاته

اعذروني عن الانقطاع يا اخواني

والغايب حجته معاه

لأني كنت مشغول في الدراسه والله يعين



شيٍ تهوجس به ودايم تحراه=لو طال عمرك ما غدا فيه ودك
اللي يصك الباب حذراك تنصاه=تراك تندم لا زهمته وردك
الحر يقنع بأول الرزق واتلاه=واللاش ما ترضيه مدات يدك
شابت لحوني والعقل جاه ما جاه=يا صاحبٍ طوّل مع الشوق صدك
والصوت اجره من عنا الوقت لاقصاه=في شاهقٍ ما ينسمع فيه سدك
مديت يمنا والسهر مد يمناه=واقبل علي الصبح ما شفت مدك
اسوق رجلي في دروب المعاناه=ياعل ما حد المولّع يحدك
ماني بقايل شاب راسي للقياه=انا عزيزٍ .. وش تبيني اعدك ؟
لكن سعيت وكل عبدٍ ومسعاه=ولا لقيت اللي يقدّي لحدّك
حيل الله اقوى مالي إلا تناساه=ويا قلب ترّك مقفيٍ ما يودك
يا صاح لو راح الغضي وانت تبغاه=وظروفه العوجا تخليه ضدك
إن ما قضيت العمر بالوصل وياه=افراقه اشرفلك لو الشوق شدّك


ومادام اني خابر جود وكرم الإداره اتمنى منهم التنسيق 😊:)