سجل عباراتي

[ابراهيم غضيان الشراري]

سجل عباراتي معك بالمدونة=شاعر جنون وتقتبس من جنونه
شاعر رسم من مفردات المعاني=إحساس مرهف يالغلا من شجونه
غنى على كل الطروق وتغنى=من ضيقته يكتب ويعزف لحونه
بين الثواني والدقايق حياته=بسمه وعبرات العناء في عيونه
شاعر مشاعر نبع الإحساس نبعه=مرهف إحساس وله عبارة حنونة
لأنه من إحساس يكتب قصيدة=يجذب بها القارئ بروعة فنونه
بأسلوب يحسب ليّ أنا بالكتابة=وغيري من الشعار ما يكتبونه
كله لعينك يا لغلا بس وينك=يا لحاضر الغايب وأنا في سجونه
هو شمس كوني لين يضفي مغيبه=وبعد المغيب بليل كوني سكونه
حرفه تغنت به صدوق المشاعر=وحرفي ولا له أي معنى بدونه
=الشاعر/ إبراهيم بن غضيان الشراري