كشكول ماجد المهدي

[ماجد المهدي]

فضفضه من القلب وليتها توصل لقلبه ولقلوبكم



هلا بك يا اعز انسان = هلا ومليون ترحيبه
وإذا عن نضمي القيفان = ترى في قافي الخيبه
اخوك اليوم هو زعلان = لانه ضيع انصيبه
هذاك اللي اذا هو بان = تجلى كالبدر هيبه
هذاك الصادق الولهان = ولا به كذب او ريبه
سقيته حب كالسكران = سقاني الحب وتعذيبه
تهدر دمعة الذيبان = ولا احدٍ بداري به
انا الشاقي انا الندمان = عساني بنار اصليبه
الا يا غايث اللهفان = الا يا عالم الغيبه
عشقته فيك يا الرحمن = وعشقي انت تدري به
ترجعنا إلى ما كان = من الإخلاص والطيبه
ترى عبدك دنى وجلان = طلبتك رحمة في به