بعد طول الغياب اقبلوها

[طلال البدور الشهراني]

ياموقد الشوق في قلب الخليل الحزين=حتى ظهر في عيون اللي يحبك سناه
ماقربتك العهود ورحمة الميتين=اللي على شوفتك ترجع لقيد الحياه
لديت عينك عن الونات طول السنين=حتى جعلت الفؤاد اشبه بمظرب رماه
الهجر خوان ماترجح به الكفتين=يومن جعلني سجين وحطك اكبر مناه
ماساقني من ديار الصمت غير الحنين=يارحلتن نايده والياس يمطر سماه
من بعد كان الصبر لي درع جنب وعوين=خلاني اصير لقمه حايره وسط فاه
واللي محير مزاجي لين سدي يبين=ومجددن للخفوق اللي يعاني شقاه
الدمعه اللي على خدي حزن وجنتين=والاعنا نفسي لحلمن بعيدن مداه