سالم بن تويم

[الطائر المهاجر]

بعدما مر على الغزو العراقي 22 يوم ولم يخبروه ابنائه خوفاً من انتكاس صحته
http://www.naishan.com/dewan/25bintwaim/18.ram

الا يا الله يا ربي تعودي = رجاك العبد يا خير امعبودي
ترد الما الغدير ابموقعٍ له = تربينا عليه امن الجدودي
اشيوخٍ طبعهم حسن النوايا = ولهم شعبٍ بشوفتهم ودودي
وتجزى راعي السو ابشناته = ابفعلٍ ما يسويه اليهودي
نسى تسع السنين الي مضاً له = من الارزاق منا والنقودي
وعاهدنا ولا تم ابعهوده = وهجد بالليل والعالم رقودي
وذبح مسلمينٍ ما دروا به = يحسب انه بهالماقف صمودي
ترى ماقف رجاجيل الشهامه = اعلانٍ للسرايا والجرودي
على وضح النقى كلٍ يشوفه = رفع له بيرقٍ حدره عمودي
ولو هو ما يجي جو المعارك = يدهويهم واهو عنهم صدودي
يصير الطق في روس النشاما = ليا صادم فهودٍ في فهودي
ولو انه مسلمٍ يحضى بدينه = وقف يومه هجم عند الحدودي
وطالب له بحقٍ يدعي به = وشاف الي يجيه من الردودي
يعله فدوتٍ لخوان نوره = سندنا دايم الجيش السعودي
صديقٍ ما تجي منه الخيانه = مقر الجود ينبع منه جودي
ولاننسى الخليفه بالصداقه = وابن ثاني عساهم فالوجودي
ونعمٍ في فعول الشيخ زايد = والملك قابوس ترحيبه يزودي
ومصر وسوريا الجيش المدرب = سراياً قدمها القايد يقودي
وملوك المغرب الي ما تغبم = وشعب العرب معنا ومحشودي
يعرفون الكويت ابماقفٍ له = لها فعلٍ مشرف وامحمودي
وجميع المنتقص في كل ديره = معونتها لها العالم شهودي
عسى عيني تشوف الشيخ جابر = على تخت الحكم لا واسعودي
وولي العهد في صفه وربعه = عمى عين المنافق والحسودي
ويجمعنا على خير ومعزه = على ذيج الليالي واوجودي