أسوار المدينه

[ابراهيم غضيان الشراري]

على آخر موعد بيني وبينه=تلاقينا على أسوار المدينه
وقدم وردة الجوري هديه=وأنا قدمت له ذكرى ثمينه
جلسنا في حدود الساعة أربع=سوالف عشق وعيوني بعينه
ويسرايه على ذيك الجدايل=ويمنايه تراقص في يمينه
ورمشن لاوقف يسحر جماله=والى منه سجد يعدم سجينه
وخد وشفتن ضمت بردها=مابين الجمرتين أبشفتينه
مشاعر شوق واحساس وعواطف=وآمال وحلم مضنون لضنينه
تفارقنا على اساس التلاقي=بموعد مسبق بيني وبينه
وطاف الموعد ولا جاء حبيبي=وعيني تقول لي ياقلب وينه
ثمان شهور ماجاني خبرها=وقلبي شوق يزداد بحنينه
نعيته داخلي بشعور صامت=لوأن الروح من بعده حزينه
=الشاعر/ إبراهيم بن غضيان الشراري