أمس الضحى

[منصور السبيعي]

السلام عليكم ورحمة الله وبركاته

هذه مصافحتي الأولى للمنتدى
أتمنى أن ترتقي لذائقتكم



أمس الضحى عديت روس المشاريف = رقيت لي رجـمٍ طويل الرجومي
لوحت بالملـواح لاشـك ماشيـف = من دونهم حالـت بعيـد الحزومي
يابومحيـا ديرتـه يمـت السيـف = أشكي عليك الحال كثـرة همومي
من لابـةٍ يـروون حـد المراهيـف = عتيبـة الهيـلا تسـد اللـزومي
يـاونـةٍ ونيتـهـا بالسراجـيـف = ونة كسيـرٍ طايـحٍ وسـط قومي
ذبحت جواده والجهد عنده ضعيـف = وقامـت تواماه الحـرار القرومي
عليـك يازيـن النبـا والتواصيـف = غضٍ غضيـضٍ كامـلٍ بالسلومي
يازين يامجمـول ياضامـر سهيـف = ارفق ترى منكم سطابـي سهومي
ومركب غرامي فوق موج وعواصيف = يفتر به مـوج البحـر والسمومي


وسلامتكم
أخوكم/ منصور السبيعي