ضحكه ضحكه

[كظيم]

أضحك وزيد الضحك ضحكه ضحكه=أضحك ومن حقك يـ/دلـّوع اهلك
ما دام لا شفتك تجيني ربكـه=وإذا سألتك قلت لي مو شغلك
ما انت القريب إللي أأمل مسكه=ولا انت البعيد إللي يئست بوصلك
الشعر لجلك زان عندي حبكه=اغوص لين اغمق بحوره لجلك
أختار من دُره واضبـّط سبكـه=واتخيلك تنشده وانا اسمع لك
ونلعب على ابياتي بلعب الدبكه=كتفي على كتفك ورجلي ورجلك
ويدّي مع يدّك سوى مشتبكه=يازين لعبك وانت منهو مثلك
هذا خيالي لو تصدّق مِسكه=طيفك وطيفك بالصعوبه شكلك
كنّي انا وياه دوم ابعركـه=وكنـّه إذا جاني يجيني بعقلك
اتعبني ولاني بقاوي تركه=شكل إنك موصيـّه يفعل فعلك
حتى خيالاتي معك منتهكه=وقلبي من اول صار مما تملك
لو إن قلبي سوق فلـّس بنكه=حبه صرف لك وانت تمنع دخلك
ياذا اذا في خاطرك شي احكه=خليتني لامن حكيت اتلكلك
ترى امر نسيانك قطعنا سلكه=ما انساك حتى لو بذكراك اهلك
تعال هاتك حب واحلى بشكه=انته وانا وطيوفنا من فضلك