اموت انا بالقاف لا منّك نطقتي به

[ماجد المهدي]

صباحكم غزلي يا الفطاحلة
!
!
!

اموت انا بالقاف لا منك نطقتي به = سرى على نهج الفصيح ولجل تأمرني
واموت انا لا لبستي الكعب تمشي به = دمّر حياتي وكيف كيفك تدمرني
يا مرحبا بليون واجمعها بترحيبه = مضروبةٍ بالفين لملمها وبعثرني
من قلبي المجنون مدري ويش جرى في به = من بعد عينك لعنبو طلتها تؤبرني
شعرك جفونك ثغرك الوردي وتلاعيبه = كفٍ على خصرك دلع والثاني يعايرني
يومٍ تقولي لي انا لازم تشيري به = وهمسك وغمزك كل هذا مهما تقهرني
احبه وافديه روحي هم اهلّيبه = يا مهجتي اهلين يا نبضٍ يسامرني
يا ليتني الساعه بيدك او عقاريبه = كنت بسعاده دام تلمسني وتناظرني
لك مسّ ارنب يهز القلب ويشيبه = هيض قصيدي لك يخبلّني ويسحرني
لبيه ثم لبيه في حبك وتعذيبه= لبيه باللي معجزه دايم تحيّرني
لكن غرورك لو تغليت الغزل طيبه = والله لغازلك بغروري ذا وتسهرني
شاعر ورومنسي ولي ضحكٍ تجني به = ويا ويل حالك لو شعرت تقولي اشعرني

تحياتي

ماجد المهدي