نفوس البشر ماهي سوى فانتبه ياصاح

[الطائر المهاجر]

نفوس البشر ماهي سوى فانتبه ياصاح= ولو شفتها في بعض الاحيان تتشابه
نفوسٍ تحمل ما يجي جد ولاّ مزاح = ونفوس تثور وكنها النار شبابه
ونفوس ولو تضحك تعاني نزيف جراح= ونفوسٍ ولو مرتاحةٍ دوم سبّابه
ونفوس عطت للعقل دوره تبي ارباح= يتحكم بها من دون نزوات لهابه
تزن كل كلمه وش اثرها قبل افصاح = على من توجه له قبل يفتح ابوابه
ودامك عرفت الفرق خلك مثل جرّاح= خبير بشغله مدرك الداء واسبابه
فاذا من عرفت اللي امامك كثير صياح= فجنبه فتره لين مايراجع حْسابه
يعرف ان اسلوبه خطأ بعدما يرتاح = ولو هو على حق برايه واصحابه
لأن بعض الناس ماشي معه مداح = ولا يصدقه بالقول في كل ما عابه
فصديقك هو اللي تاجده دوم لك نصّاح = مرايه تعكس الصدق ماهيب حجّابه