واعز حالي

[حمود السكراني]

ياشين حال اللي بلش بالزمن بلش = انا اشهدٍ معاند الوقت بلشه

واعز حالي من خويٍ مايعذرش = اللي ملك من مهجة القلب عرشه

يطلب ولاهو مصدق بقول مقدرش = سمعه عن اعذارٍ تعذرت طرشه

ابشر لعينك لا عصت جبتها هبش = أما خسرنا أو ربحنا بهبشه

ياموتري حًرك بدربٍ نبي وامش = راعيك به من جاير الوقت وحشه

ضيق علينا الوقت و الحاكم القرش = حاكم وزن طيبه على كثر قرشه

انـشهدنًـه بارشٍ حالنا برش = برش الجريد اللي حنـى وحان برشه

عيًا يجي لابالتحلوي وللحمش = لاطاع بالحيلة ولافاد حمشه

لامخاوي الشاوي ولا تابع الطرش = ولعشت في جو البلد ضمن طرشه

ياعنـك رحنـا مرش وكفوفنا حرش = مير الرجاء بمغير الحال رمشه

اشوف نـاسٍ تغرف المال بالغرش = وول مصابيحه على جال خرشه

وانـا زوان الوقت عن ليًن الفرش = يحدنـي على الوزا دون فرشه