يـا سـرع ما تقبل مع ايـامـي احـزان ،،

[داعي الشوق]

http://www.up-king.com/almaciat/b0yzgzeki8wjaqdusgjk.gif


يا سرع ما تلفي مع ايامي احزان = و يا قل لحظات الفرح و السعاده
كم فرحة تغتال من دمع الاعيان = وقلب انحرق ما باقي الا رماده
كل ما نحسّبها على حساب الاوزان = تبكي و تشكي لي بليا افاده
و كل ما هقيت وقلت ذا الوقت لي زان = و اطلقت قيد المشتكي من قياده
و شاقتني البسمه على كل الاحيان = و بديت مثل اللي يعانق وداده
في غمرة اشواقي و تنفيس الاشجان = عني تغيب و غبت معها زياده
و تِقبل غرابيلي و يصبح لها شان = تقسى على حالي و يعلن حداده
دنيا نسايرها مع الوقت لو شان = و نصبر على ضيم الزمان و عناده
تسرقني الاسباب من ذيك الالحان = و البذل و المجهود للنفس عاده
صار التجافي للمجاريح عنوان = وقلب العنا ينشد بشاير مراده
يا حيلة الله في تصاريف الاكوان = مدري متى بيرتاح عقب اجتهاده
على القدر ما جبت حجه و برهان = ذي دبرة اللي حكمته في عباده

http://www.up-king.com/almaciat/aw285qgmaaiobarbp16n.gif