الشاعر اللي ما يفكّر بغيره

[الطائر المهاجر]

الشاعر اللي ما يفكّر بغيره = ممن يعاني من صواديف الايام
بالمجتمع او اسرته والعشيره= هذا اناني عايشٍ مثل الانعام
يروح عمره مثل كبش بحظيره= ماهوب داري وين راسه والاقدام
يدربي لراسه عاثيٍ ف الخميره= ولا من رفع راسه تناوشه الاوهام
وانا احمد اللي عالمٍ بالسريره= اكتب بما يوحي ضميري من آلام
بنهج اعتدالٍ واضحٍ دوم سيره= يكشف خفايا من يعادي للاسلام
واحب داري صدق ماهوب عيره= واسجل اللي ف الخواطر من احلام
نبي بلدنا كالشمس بالظهيره= تضرب بها الامثال من بين الانام
فيها العدل والحق يلقى نصيره= وفيها الرخا والأمن والناس نوام
واللي بها يفسد يلاقي مصيره= تطهّر من اشكاله بحبسٍ او اعدام
وما دام ابو متعب يقود المسيره= لابد ما ناصل رغم كيد الاخصام
حبيب كل الشعب في كل ديره= قلبه علينا مايبي حد ينضام