كم من فقير مهتني في رقاده

[الطائر المهاجر]

http://up.ftahilah.com/up/uploads/Mine/KumFugair.rm



كم من فقير مهتني في رقاده = وكم من غنيٍ ماعرف لذة النوم
وكم من فقير عايشٍ في سعاده= وكم من غني بالمرض دوم موهوم
فلا صرت في صحه فكبر وساده= غيرك ولو عنده ملايين محروم
كثر الدراهم محدثٍ للقراده = وفي قلها علاجٍ فلا تكثر اللوم
اقنع بعيشك ملتزم للعباده = تلقى بها الراحه ولو كنت مضيوم
ولا تنظر اللي راكضٍ به جواده= عينه على الدنيا ولا ارتاح في يوم
همه حلاله لو جمعه بفساده= وامعن بظلمه ما تفكر بمظلوم
مايدري انه راحلٍ في وحاده = لو كان شيخ وللملا دوم قيدوم
يترك رصيده من حلال وعتاده = لاولاده اللي قد يصيرون بخصوم
فالمستريح اللي رحل في سعاده= واحسن لغيره من حبايب ومن قوم
يذكر بطيبه عند وقت ابتعاده = ومجزي بالخيرات في يوم معلوم