يارب لطفك / جديدي لكم

[احمد المنتشري]

صباحكم / مساكم سعادة

( يارب لطفك ) جديدي يعانقكم من خلال العدد الجديد لملف مقامات بصحيفة الصباح الكويتيه الصادر لهذا اليوم الجمعة الموافق 12/4/2013 الصفحة الخامسة

http://www.alsabahpress.com/media/files/versions/15_15.pdf


( يارب لطفك )




بسم الله الرحمن ربي فالق الحب والنوى=سبحانه الله / مالك للملك واليه المصير
رب برا ذا الكون بأمانه وبالعرش استوى=بأمره تصاريف الزمان وبيده الخير الكثير
يارب عفوك ياكريم الجود يا شديد القوى=ماعظم صفاتك يا إله الكون والرب المجير
يا ربي اجعل كل حرف من قصيدي للسوى=والهمني التقوى وحسّن لي خواتيم المسير
و يا قصيدي اوقف الونات وآهات الهوى=واعمل لما ينفعك في يوم عبوس ن قمطرير
يالله عبدك لك سجد وجه وقلبه والتوى=بحبال عفوك ياسخي الكف والعفو الوفير
ما ينفع الجناي ماتجني يديه وماطوى=ياكود ما تحمل يمينه حين هب الزمهرير
وش حيلة ابن آدم ليا اشتدت لواهيب الكوى=في ويل والا في سقر خٌلّد وساء به المصير
يارب لطفك / كيف نقواها وهي سود الضوا=تشبه سواد قلوب خلقك ساعة يموت الضمير
يارب صرنا في زمن يشوى عبادتنا شوا=والناس ما تنهي عن المنكر ولا تامر بخير
نسهر / مثل ماقالوا العشاق ياليل الغوى=نلعب ونلهوا والفجر نومه يحليها السرير
والعمر حقه منتهك / والليل ذيبه لي عوى=تبدأ المعاصي يالله الغفران وذنوب تغير
دام اصبح ابن آدم خوي الجوف وبقلبه خوا=لا خير في دنياه/ يهنابه /ولا طاب الأخير
حليله / اللاهي / ليا اشتدت تباريح النوا=يبلش مع منكر ليا ناداه / ويساره نكير
واليا بعدنا / ولا بقي معنا لوقفتنا روا=في يوم ما ينفع معه هذا غني وهذا امير
فيها انتساوا عند رب الكون نتحاسب سوا=والكل شاخص بالبصر للي بكل شي قدير
ياهييه اصحوا واتقوا عن يوم نزاع الشوا=غلّت يدينه من نسى ربه ويصلاه السعير
الحال مبكي / ولا يداوي قلوبنا / اية دوا=ياكود نرجع نقتفيها سنة الهادي البشيري



شعر

احمد المنتشري
2/6/1434هـ