لاواهني اللي رقد في سريره

[عبدالله السويلم]

لا واهني اللي رقد في سريره=مهـوب مثلي جالسٍ فـوق مركاه
احدٍ من الكيفه يــــدوّى شخيره=واحدٍ قضا ليله على كوع يمناه
تقول في صدره سواة السعيره=وعيـنه لـذيذ النــوم ماهـيب وياه
دنياً كفى الله شرهـا مستـطيره=مــن لايجــاريها تــذلـه وتاطــاه
الشيب لاح وخـط وجهي نذيـره=وانا مثـل ما قالـو امقيط ورشاه
اخــذ قليل الحــق واتــرك كثيره=واصبرعلى ماقـدر الرب وارضاه
والكـون لــه ربٍ عظــيمٍ يــديــره=على الرضى والاعلى غيرمرضاه