لقيت الحب من وهج الغريزه

[الطائر المهاجر]

https://www.youtube.com/watch?v=-V7XKMnbuzo&t=16s


لقيت الحب من وهج الغريزه= يتلاشى لا اصبح الرجال شايب
ولو لاحظت هرجه او قزيزه = مراهق مايثمن للعقايب
مثل هذا يبي كربة قفيزه= لعله للعقل في يوم آيب
كثير الناس يخدع مع لزيزه= يدور حب مايخشى الصعايب
ولو فكر بلحظاتٍ وجيزه = عرف سره ومابه من لهايب
ترى الرجال مايسوى بريزه= اذا من طاح في بعض المعايب
وغدا كالتيس يبحث عن معيزه= بليا عقل يطرد ف الخرايب
ترى للحب اصوله والركيزه= مع العشره يجي ماجاه نايب
ومن قبله عبث تجهل دزيزه = تشوفه ورد ما تدري التبايب
يتحول شوك يجرح في غزيزه = وتندم بعد ما تهب الهبايب
فخل العقل يحكم لا الغريزه = تعيش بسعد ما شفت المصايب