ـــ!.. طـريــآآآك خمـــرة..!ـــ

[عيادة الجهيلي]

مرت ثمان اسنين والصدر محروق = عليك ياللي كل جرح(ن) فتقته
جرح الغلاء ينزف شكى الجرح مفتوق = وانا على شانك بدمعي حرقته
أسأل عليك الليل في سهرة الشوق = وابكي على نسمة لقاء بك عشقته
افوق بعيونك وانا فيك ماافوق = طرياك خمره من عيونك سرقته
حتى خذاني عبد في رق معتوق = وباعن على حلم(ن) قديم(ن) رفقته
بعدك اروح السوق واعاتب السوق = ويمرني طيف(ن) بحزني لحقته
يمشي وانا امشي وانشد الطيف ياذوق = وين الغرام اللي ذبحت وعتقته
صد وتركني بحبل الاشواق مشنوق = والشوق فيني ينولد لو شنقته