الرســـــالة الأخيـــــرة

[عادل بوبدر]

بسم الله أبدأ
::
تعبنا من عنا الفرقا وجرح بعادنا يزداد=تعبنا نشعل شموع المحبه في ليالينا

تعبنا من عنا الاحزان يكفي والظروف شداد=تعبنا نمسح آثار ٍ ملامحها بدت فينا

تعبنا ننتظر صدفة لقى لو هي بلا ميعاد=تعبنا ما بقى فينا صبر والبعد مشقينا

تعالي نمسح الدمعة تعالي والحروف جداد=أبيك وما أبي غيرك حنانك هو يدفّينا

تعالي يا هوى .. خلّي المحبه تقهر الحساد=نعيش الحب ليلة في حضور الزين يغنينا

تعالي نرسم البهجه ونقضي عمرنا أعياد=تعالي نزرع البسمه .. نحقق كل أمانينا

أنا يا كم صبرت وكم تجرّعت الصبر ما فاد=أبي شمعة وفا تضوي طريقي ثم تضوينا

وأنا يا كم صدفني في هواكم من تعب وإجهاد=ابي بلسم جروح ٍ نازفه علّه يداوينا

وانا يا كم تحملت العداوه والوشاة أضداد=رسوا بالمركب المشئوم في شاطي موانينا

عسى ذيك الليالي يا غناة الروح ما تنعاد=خلصنا من عنا الهجران .. ما جانا يكـفّـينا

عساها دوم هالفرحه ويبقى حبنا يزداد=
ولا نسمح لضعف الياس يفرق في خطاوينا


قلم عادل بوبدر