اضداد .. لذائقتكم

[حرف وشعر]

كم نلتقى يازين من غير ميعاد=وكم نفترق من بعد لقيا وجوله
وتمضى بنا ليام والموقف انعاد=وبعد القضاء مافيه شئ (ن) نقوله
اضداد تجمعنا مع الناس واضداد=تبقى معاكم ياحبيب الطفوله
شوف العمر يزداد والود يزداد=حين انقضت وياك احلى فصوله
والود له ياصغيّر السن ميلاد=مثل الطفل يوم انولد مهدوله
والود لاجله معظم الناس تنقاد=ومن اجل عين (ن) تكرم احيان دوله
والود ماهو حكوة اطفال واولاد=لب الهوى يصعب على البعض نوله
ومايدرك اسرار الهوى والتوداد=من كان يعشق فى المحبه ميوله
وانا ميولى فيك يازهرة الكاد=نص (ن) وترقص من شجونى خيوله
يوم ابتعد عنّك وانا حس بالكاد=اقدر على جر النسم بسّهوله
ويوم اقترب منّك غدى يومى اعياد=واعيش ذاك اليوم عرضه وطوله
ولامن لفونى من عواذلك حسّاد=وقالوا نساك وصدق اللى حكوله
قلت اصمتوا مبغى من الواش نقاد=ولانى مصدق حرف ملى يقوله
يسموا حبيبى فى الهوى والتوداد= عن لايتابع فى المحبه عذوله