ســميّ الريـــــمـــ

[عادل بوبدر]

معليش يالربع العذر والسموحة
أتت من سوسنة قهر


يا سميّ الريم حنا على مفرق طرق=جاك مردودي ولا عاد عندي تشتكي

احسب ان حبك حقيقه واثر حبك ورق=والعهود الاوله كلها صارت حكي

والكلام العذب كرت الغشامه و احترق=افصلي من سلكها يا غشيمه و اشبكي

لو وميض البرق في خدك الايمن برق=عايفك لو هي تهامل دموعك بالبكي

رددي شعري على شان يتعبك الأرق=وان ضناك الشوق حطي الحموله و أبركي

لو تعبت العام فاليوم عندي ما فرق=دام كرسوعي على العز دايم مرتكي

كم بليغ ٍ من عنا الوجد بالكلمه شرق=لا كتم دمعه ولا عاد يحتال يحكي

وكم امين ٍ حدّه الوقت لين انه سرق=وكم سفيهٍ بالغبا لخبط اوراق الذكي


عادل