السبـــــع البحــــــــور

[سعود بن سنيد]

بسم الله أبدأ
::::
::::

قال من هو في الشعر سابح ٍ سبع البحور=عــــارف ٍ فــــي بــرهــا قــبــل مـــــوج بـحــورهــا

عـابـر ٍ سـطــح المـعـانـي مـــعَ خـــط الـعـبـور=مــــا عـلـيــه خــــلاف دامــــه عــلــى دسـتــورهــا

والـشــعــر فــكـــره تـغــذيــه مـــوجـــات الــشــعــور=لا حــصــل يـغـنـيـك عــــن ســردهــا مـيـسـورهــا

والـتـجـارب خـزنــة الــجــود يـالـقـلـب الـجـســور=فــــــي دهــامــيــس الـلــيــالــي يـــقــــدّي نـــورهــــا

يــا بـيـوت الـقـاف لــو كــان تكـفـيـك الـسـطـور=كــان شـابـت بــك قـوافـي الــورق و سـطـورهـا

مــن هواجـيـس ٍ عـلـى مـكـرة الخـاطـر تــدور=مـــثـــل مـــكـــرات الـمـكــايــن تـــحـــنّ ســيــورهـــا

مــا عرفـنـا حسبـتـك يالسـنـيـن مـــن الـشـهـور=لا لــزمـــت سـنـيـنـهـا مــــــا لـــزمـــت شــهــورهــا

قـصّـر الـوقـت الــردي لــو مـــا فـيـنـي قـصــور=يـــــوم طــــــرّاف الــحــواســد زحــــــف طــابــورهــا

لا جبـرت الميمنـه صـار فـي اليـسـرى كـسـور=وإن جـــبـــرت الـمـيــســره عــــــوّدت بـكـســورهــا

وإن سـريـت اللـيـل مــا تـآمـن الـذيـب الـعـقـور=وإن نـطـحـت الـسـاريـه مــــا عـطـتــك نـحـورهــا

وإن دمـحـنــا زلّـــــة الـجــاهــل أنـتــابــه غـــــرور=وش طـبــيــب الــنــفــس لا غـــرّهـــا مــغــرورهــا

فــي الصمـايـل حالـهـم مــن فـتـور إلـيــا فـتــور=وفــي الـرخـا تـبـدي الـعـزاوي وتـضـرب زورهـــا

إيـتـقـفّـون الـمـسـالِـم عــلــى عَــمْــد و جــهـــور=عـــالـــم ٍ مـتـخــالــف ٍ ســـرّهـــا و جْــهــورهــا

يـشـتــرون الــهـــرج بــريـــال والــمـــال مـخــســور=مــن يـمـيـن ٍ مـــا غـلــب عـسـرهـا ميـسـورهـا

الحـقـيـقـه حـــــق والـــــزور يـبــقــى عــلـــم زور=والـســوالــف بــيّـــن ٍ صـدقــهــا مـــــن زورهـــــا

كـــل هــــرج ٍ عــنــد رب المـخـالـيـق مـخـبــور=والــنـــوايـــا كـالــمــطــايــا مــــشـــــى مــظــهــورهـــا

إن مـشـت فــي حــق بـشـراك والـذنـب مـغـفـور=يــصــلــح الله بــالــهـــا ثـــــــم يـــتــــمّ قــصــورهـــا

وإن مشت فـي شـر لا بـد تصبـح فـي شـرور=يــشــقـــي الله حــالــهـــا و يــتــمـــادى جـــورهــــا

مــن بـغـى الدنـيـا تـراهـا فـجـور ٍ فــي فـجـور=جــنــة الـغــاويــن مـــــا يـنــوثــق فـــــي شــورهـــا

إتـزيَّــن مــثــل بــنــت ٍ عــلــى ســــن الــزهــور=ثـــــم تــعـــوّد شــاحـــب ٍ وردهـــــا و زهـــورهـــا

مـا وفَـت للـي مضـوا مـن بـعـد ذيــك العـصـور=والـمـلــوك الـمـاضـيـه ويــــن عــــز عـصـورهــا؟

عـن وفاهـا يخبـرك مـن سـكـن وســط القـبـور=لـــــو سـكــنــت قــصــورهــا مــرجــعــك لـقـبــورهــا

مــن صــدق بالـسـرّ لا بــد مــا يجـنـي ســـرور=ومــن جـهـر بالـكـذب يجـنـي عـقــاب جـهـورهـا

حسبي الله كاشف الغـم عـن ضيـق الصـدور=عــالــم الأنــفـــس و مـــــا تـحـتـويــه صــدورهـــا

وسلامـــتكــم

قلم عادل





الله الله


عليك


صح لسااااااااااااااانك




هذي من اغلا عيون الشعر



لاهنت على هذا المتنفس الرااااااااااقي





تقبل ازكا التحايا