الهزو بالشيبان

[عبدالله الشويمان]

السلام عليكم ورحمة الله وبركاته..

ايها القراء الكرام.

يشرفني طرح هذه الابيان امامكم.لعلها تصل لمستوى ذائقتكم.



الشيب ماهو عيب والعمر لو زاد=حكمة اله الكون وماهي غريبه
والهزو بالشيبان اسلوب الاوغاد=اللي يحبون الهروج المعيبه
والوقت يجري وللمخاليق جلاد=ومن عاش لابده يخاوي مشيبه
ومن يحسب انه دايمن شب ماباد=قدامه الايام ويلقى نصيبه
يشيب وتتفرق جماعته بالجاد=وسوات ما سوى بغيره يجيبه
واللي لبيب إل طيب القول ينقاد=يمشي على درب الحشم يا الشبيبه
واللي بغروره عايش الوقت نقاد=لا يامن سنينه ولو هي حبيبه
ودورة حياة الادمي شي معتاد=طفلِ رضيعٍ لينها تبان نيبه
ويمر في عمر الصبا وعقب يزداد=بالعنفوان وفي شباب يعديبه
وليا وصل خمسين فالوقت سداد=يغزيه بالشيبات الين تعثيبه

عبدالله الشويمان-الرعد..رجب 1434