حنا على حق وابليس الهوى حني

[نجم الإبداع]

لاضاق صدر المشاعر وانطفى ضوه=وقامو اهل الزمان اليوم بالعني
وعذرو لين قالو ماتبي سوه= حنا على الحق وابليس الهوى حني
كلو حقوق العباد وسدو الكوه=وغردو فوق عرش المارد الجني
الخوف بعض العرب يرجع على الخوه=يبيع للشيعي ولا يامن السني
لاضيع العدل لاتامن على القوه=والحق راعيه يعرف درب متثني
عند الحرم والمخطط لاتقل طوه=واهل المناصب حَسَدْهم صار متجني
لاعاد تقل صبر ياقلب الرضى ضوه=من وين ياجي الرضى بالله حسب ضني
عقل العصيفير توه ماكتمل توه =واجساد مثل البغاله مابها مني
سحايب الصيف والسيل اختفى نوه=وصوت رعادها خافت وبه خني
عصر الفتن والرويبض شيخ ومفوه=وصاحب الحق بين الناس متعني
يالله طلبتك بياض القلب من جوه=وانك ترد المفاتن واهلها عني