كاس الغرام

[ساهر الليل]

صباح الخير ياطير(ن) سجع بالصوت والموال=صباح الخير يامن قام يطربني بمواله
انا وحياة عينك مانويت اشكي عليك الحال=ولكن خافقي ياطير ماتعجبني احواله
مسهرني ومشقيني وعيني دمعها همال=سلب مني لذيذ النوم دمع العين هماله
على خل(ن)قسم للروح من شهد العسل فنجال=وخلاني متيم في حراوي شهد فنجاله
خياله مايفارقني معي في الحل والترحال=وشوقي والتياعاتي مع حله وترحاله
والى من قلت بكره تنفرج ويحلها حلال =نزف جرح(ن)سكن بين الرجا والياس بلحاله
ظروفه قاسيه والوقت قاسي والدروب طوال=وحبه كلما هب الهوى قلب العنا طاله
سقاني الكيف من كاس الغرام وزاد بي الغربال=وهو للكيف يشكي من عناه وزود غرباله
خذ اخباري معك ياطير واحجبها عن العذال= ولاتجنح بها مابين عذالي وعذاله
وعاودني وخبرني متى تتحقق الامال = عسى من دق بيبان الامل تتحقق اماله