ياللي تنوم الضحى

[نجم الإبداع]

ياللي تنام الضحى والليل سهراني=والطير تسرح من الاوكار فجريه
تسهر على غي والا طي الالحاني =وان قرب الفجر جتك النومه مغريه
تنام في وقت الاستغفار كسلاني = وتقول هذي هي الحاله الحضاريه
الليل ثلثين للراحه وللثاني =وصال رب الوجود وباختياريه
هذا الكلام الصحيح ورزق الانساني=مع شرقة الشمس والقسمات مبريه
لو كنت شايب ومتقاعد وبطراني =يضيق صدرك ليا من قمت ظهريه
يفوتك الرزق والبهجه والاحساني=وتقضي العمر في حالات قهريه