الطامي
02-03-2014, 09:42 AM
القصيده كتبتها على عجاله وكنت قادم من الرياض مساء السبت 1/3/2014 بعد ابلاغي عن فوز ابن العم ثامر بن علي النشيرا الوذين المري ومجموعته ( المعيذر ) ببطولة القلايل المقامه في بلدنا قطر
تستاهل الناموس يالقرم يالذيب = وتستاهله قروم اخطاها خطاويك
يابن النشيرا ياعطيب المضاريب = والربع كلن فيه حقه تباريك
جددت فعل العود قول وتصاويب = واثبت للعربان محدن يجاريك
حزت البطوله فوق خيل وظهر شيب= وخوة نشامى كلها تفتخر فيك
واثبت قولك بالتحدي وذا طيب = وقول مع فعل ينومس مخاويك
ولانسى اللي خاووك اسم بترتيب = سالم النشيرا والقاشوطي ابن اخيك
وزيد ابن خديعه اللي فعوله تعاجيب = وعلي منصر اللي بصوته ينابيك
وجابر دخيِل والمنصوري ولاريب = وراعي الحصان النعيمي اللي يباريك
ولا اهثم باقي الفرق دون تحسيب = ماقصَر وبالجهد من دون تشكيك
نلت الفخر ياذيب شرق وتغريب = وارفع لك اشماغي سما وافتخر فيك
تستاهل الناموس يالقرم يالذيب = وتستاهله قروم اخطاها خطاويك
يابن النشيرا ياعطيب المضاريب = والربع كلن فيه حقه تباريك
جددت فعل العود قول وتصاويب = واثبت للعربان محدن يجاريك
حزت البطوله فوق خيل وظهر شيب= وخوة نشامى كلها تفتخر فيك
واثبت قولك بالتحدي وذا طيب = وقول مع فعل ينومس مخاويك
ولانسى اللي خاووك اسم بترتيب = سالم النشيرا والقاشوطي ابن اخيك
وزيد ابن خديعه اللي فعوله تعاجيب = وعلي منصر اللي بصوته ينابيك
وجابر دخيِل والمنصوري ولاريب = وراعي الحصان النعيمي اللي يباريك
ولا اهثم باقي الفرق دون تحسيب = ماقصَر وبالجهد من دون تشكيك
نلت الفخر ياذيب شرق وتغريب = وارفع لك اشماغي سما وافتخر فيك