لبا العيون اللي هدبها مراييش=جديد المري

[الطامي]

لبا العيون اللي هدبها مراييش = نجلاِ تخلي داله القلب غاوي
وكف منقش زين ذيك النقاريش = ومعزل الاطراف موت الهواوي
شفت الهوايل والعرب مادرت ليش = خد وقد وهي عذاب الشقاوي
القلب من قبله عروقه معاطيش = ومن اولاِ اقول ميت وذاوي
وقت قضيته ياحياة على ويش = اكل ومنام وسارحٍ ثم ضاوي
الطير يرقى للسما بقوة الريش = والقلب ينهض لالقى له مخاوي
خلٍ يجدد له قديمه مع الطيش= جدد عناه اللي مضى والمناوي
خلاني ارجع في ليالي الخفافيش= وقتٍ مضى ذكره بقلبي سناوي
وشيٍ على ماقال ناشن تناويش = عدت بشقاي اللي مضى والعناوي
ياصاح درب الحب كهرب مع فيش = وفتحت خط الكهربا منت تاوي
قال المثل خل الهوايش ولا تنيش = من حرك الساكن لزومٍ يداوي


( الله يخارجنا وش ذا )