انا والعصافير

[سعيد عوده الحويطي]

اقدم لكم هذه القصيدة وارجوا ان تحوز على رضاكم .


في المزرعه ماغير انا والعصافير=من كثر ما خاويتهن والفني
هذا يحط شوي والاخر يطير=ولا غردن باصواتهن يطربني
كلا يدور عيشته بالمناقير=من الصبح لين الليل ما يتعبني
مايشتكن برد الشتاء والهواجير=صيف وشتاء لارزاقهن يطلبني
واخذت منهن في حياتي تعابير=وسبحت للي بحكمته يشبعني
ربا كريم قدر الرزق تقدير=سبحانه اللي الى عطا ما يمني
اللي رزق كل المخاليق والطير=من حيث لاندري ارزاقه يجني
عزيل لمن يرمي همومه على الغير=وده يجيه الرزق وهو مستكني
وده يجيه الرزق من غير تدبير=والرزق ماياتي بليا تعني
الرزق ماياتي قصير الاشابير=الرزق كدح وصبر ماهو تمني
واللي سعى للخير ياتي له الخير=وافضال رب الكون ماينحصني