اسرفت ليلى وعبله وام ريح

[نجم الإبداع]

ادري ان الوقت هذا الكل نام=عقب سهره مضنيه هذا الصحيح
وادري ان اهل الهوى ملو الكلام=يوم خلص هرجهم جيت استبيح
جيت لك في النور ماحب الظلام=قلت باصل ثم عندك نستريح
اثر ماعندك مكان امن الزحام =ذا صريع وذا من العله طريح
يوم شفتك مقبره فوقك ركام =طاب قلبي منك يالحلم المريح
كل ما في الحب قلت الحظ قام=جيت والا الحب مزهم فيه ريح
وين بالقى الحب في عهد الرمام=والوفاء مابه وفا ياهل القديح
الصراحه دوم تجلب للملام =جبت علم وجبت سر ومنه فيح
جبت معلومه على ذات اللثام=عقلها دايج وفي التفكير ميح
لو تفكر يوم كامل بالمهام=جابت الفكره طمع والها فحيح
عقلها مشتول من حوله غمام=وان تردت قالت ابعد ياشميح
وان تجيها بالوفاء قالت سقام=وان عرفت علومها راحت تصيح
ليت من حوى لما جانا الغرام=كان ماخلتني العشقه جريح
وكان قيس وعنتره عاشو عوام=اسرفت ليلى وعبله وام ريح