رثائيه في خالتي يرحمها الله

[داعي الشوق]

وفاتها في يوم الجمعه 1439/5/2
غفر الله لها ورحمها واموات المسلمين ان شالله ،



‏
ياعين هلي وانثري دمع الاحزان=هلي غزير الدمع من شان غالي
جرح لفا في يوم و نعيشه ازمان=حيث الألم قاسي لو العمر طالي
في فقد من لفراقها هلت اعيان=وحبر القلم ينزف غلاها وسالي
الله يرحم خالتي ام سلطان=ويغفر لها المعبود رب الجلالي
ويجعل لها منزال في جنة افنان=وانه يسكنها الجنان العوالي
اللي تحب الخير وتجود باحسان=متميزة في وصفها والخصالي
يلطف بها المولى برحمه وغفران=اغفر لها يامن عليك اتكالي
انعيك انا والحزن في داخلي بان=ولا نيب انا الاول ولانيب تالي

الموت حق امره مقدر للانسان=لكن فجيعتنا تهز الجبالي

والصبر مفتاح الفرج كل الاحيان=نصبر ولو طالت علينا الليالي

راضين بالمكتوب لو كان ما كان=دام القدر مكتوب من عند والي

ولله ما ننساك يا ام سلطان=غيبتك ولله ما تعوض بمالي
يجبر عزانا فيك من رب رحمن=اقبل دعانا يا مجيب السؤالي
الله يبيحك عد ماهل هتان=واعداد ما تمطر وما سيل سالي
واعداد من حجوا وطافوا بالاركان=عسى مقامك عند واليك عالي
‏


^^^^^^^^^