مد مادي ابعد الانسان عن اجمل مبادي

[عبدالله الشويمان]

مد مادي ابعد الانسان عن اجمل مبادي= واصبح الانسان للدولار عبد بانقيادي
كل همه كيف يكسب مايهم لو هو حرام= المهم يكسب ويضمن كل رصيده بازديادي
غزو مستعمر يبرمج للشعوب الجاهله= ومن بعد غزو بسلاح صار فكري واقتصادي
يسرق الثروات من بلدانها عن طيب خاطر=وبالمقابل تاخذ سلاح انتهى والا عتادي
وحتى يضمن استمرار سوقه بالسلاح= يضرب البلدان في بعض ويبقى في القيادي
لعنبو هالنفط من جانا وحنا باضطراب= اضطراب نفسي وعقلي واضح ببعض العبادي
من نفاق ومدح او تطبيل من اجل المكاسب= للمهايط والمظاهر كذب في خبث وتمادي
ولا بحثت الأمر تلقى بين صعلوك وخادم= هافي اصله وفصله والقروض ابلا سدادي
والفساد اللي تزايد بسرق اموال الضعوف=وش بقى لك يالضعيف غير تحيا في نكادي
وهذا سر انا وصلنا بالتردي للحضيض= وكيف بلدان العروبه تشتكي مكر الاعادي

صح لسانك يابو عبدالله واعتلا شانك
ما قلت هو الواقع المرير
لا هنت لا هنت.