ماني مع الواقع كثير انسجاما

[منيع]

من الجديد


ماني مع الواقع كثير انسجاما=قامت تواميبي دواليب الأيام
العام امضيها ولابدي ملاما=واليوم طعناتي جليلات وجسام
اليوم غير الامس مابه سلاما=بقعا عناها حطم ارقام ورقام
بقعا تورثك الندم والسقاما=ولاحد سلم منها على طول الأعوام
العلم واضح ماعليها كلاما=ولاعلى ماقيل ضرب من الاحلام
الواقع المشؤم طال وتناما=ونفسي أحدثها على غير مارام
سجلت حرفي وباالحنايا احتداما=لوصغتها تكسرت كل الاقلام