سُوَر بيت

[سمّار]

‏


مكتوب في سُوَر بيتٍ هاجر أصحابه =ذبحني الشوق والمشكى على ربي
.
البيت ....بيت العزاز ولكن ..احبابه=خلوه للحزن ..يسكن فيه ويعبّي

درايشه !.عين شايب .ذبلت اهدابه=والدمع...في وجنته..له وسم ما غِبّي
.
اسمع صريخ الحنين.....برقلة ابوابه=ورياح الأشواق ..تعصف فيه وتهبي
.
طاح الرطب من نخيله ....قبل رطّابه=والدلو...ما عاد يلحق ...موية الجبّي
.
وأغبن روحي على ......روعته واطيابه=وياصرم حالي على من فيه رحبْ بي
أهلّ دمعي... على اللي عقبهم صابه =ويلوع قلبي الحزن.....والكبد ينشبّي
.
وأقول هالبيت صدري ...ومعلن غيابه=احبابه ...اللي اتركوه وهو لهم صبّي

من عقب خلوا السعاده ..تملي رحابه =صار الحزن سَيِّدِه.....والوهم متنبّي
.
ومن عاش عالوهم ميّت لو ضحك نابه=والحزن ....يظهر على راعيه لو خبّي
.
وانا ذبحني ......فراقٍ عدت باسبابه=اشكي وجوعٌ بصدري ..مالها طبّي
.
صُوّبت به..من هنوفٌ ..مالها مشابه=من امسّ...واليوم ..وبكره...مالكه لبّي
.
عيونها.......الكوكب الدريّ بمسرابه=وكفٌ سحابه.. .وحنّا نقشه اخضبّي
.

.
لكنّ من خاطره....قد عاف واقفى به=وشلون يرجع......وقلبه عايف الحبي
.
خلاص .....ما عاد فيها عدّ وحسابه=تبّت ..أيادي الرجا في وصلها ..تبّي


‏